9ê tebaxe de herêma rojawanê Zapî de Girê Cûdîyî de gerîlayan vera artêşa tirke ya îşxalkere Operasyonêko Şorişgêr kerd. 

Wextê nê operasyonî de dewleta îşxalkere kombîyayîşê MGKyî kerdêne û gerîlayan zî îşxalkerî yewver ceza kerdêne. Dewlete wexto ke qiseyê xo yê sey 'Ma do têkoşînî rê dewam bikerê, do înan biqedînê, hînî ma resayê peynî' tekrar kerdêne gerîlayan mesajê 'Heta ke ma nêqedînê do nêqedîyo' dayêne.

Dewleta tirke plan kerdêne ke Girê Cûdîyî de operasyonêk bikerdêne, serdestîya erazî bivisna destî û xoser biba. La gerîlayan 9ê tebaxe de yanî roja verêne de mojna ke hêzo esas ê yê. Çunke hêzanê gerîlayan ê Girê Cûdîyî 20ê temmuze ra nata texmînê raştî û koordîneyê aqîlaneyî kerdbî.

A raşte çalakîyê 9ê tebaxe netîceyê nê prosesî bîyî. Îşxalkerî bi desan reyî bîyî hedefê gerîlayanê YJA-Starî. Îşxalkeran seba ke xo bipawê bi lezî mewzîyî viraştî. Yanî ê seba 'operasyonî' ameybî la kewtî pozîsyonê xopawitişî. Dima gerîlayan pêser derbî da îşxalkeran ro. 9-10ê tebaxe de çalakîyan de 31 îşxalkerî ameyî cezakerdene û 7 îşxalkerî zî birîndar bîyî. Droneyê îşxalkeran ameyî îmhakerdene. Îşxalkerî remayî la gerîlayan zî na peyê înan. Skorksyê ke seba destekî şîyêne neçare mendî ke apey şorê. 

Girê Cûdîyî de dormeyê leşkeranê tirkan ame girewtene. Gerîlayê ke nika uca de xo ver danê, nînan senî vat o qayde bi: ''Girê Cûdîyî ra vejîyayîş çin o!''

20 rojan de artêşa tirke tewr zaf 9ê tebaxe de derbê pîlî girewtî. Şewe artêşa tirke destpêk de vat ke 2 leşkerê înan kişîyayê la dima vat 5ê înan kişîyayê. Seke gerîlayî vanê eke kişteyê artêşa tirke 20 bibê vanê 5. 

Dewleta tirke nê çalakîyanê gerîlayan sey 'tacîzkerdişî' pênase kena û bi nê hawayî kena ke çalakîyan bêtesîr bimojna û şarî bixapîna. Wextê Hemleya 15ê Tebaxa 1984î de zî dewlete seba Fermandar Egîd û embazanê ci vatbi 'Yew-di şakî yê.'

Eke fermandarê artêşa tirke camêrd bîyêne rew ra Girê Cûdîyî ra leşkerê xo apey antêne.  Ê seba ke binkewtişî qebul nêkenê leşkeranê xo terkê mergî kenê.

Gerîlayî serkewtiş de qerardar ê. Gerîlayî rixmê teyara, helîkopter, tank, destekê PDKyî, qoricî, leşkeran, bombayan, kîmyewîyan û xayînan zî xoverdayîşê tewr rûmetênî kenê. Wa ruhê Fermandar Egîdî şad bibo ke şerwanê ey kokê dişmenî anê!