Rojnameyo cugehpawitox  ê Greenreport.it  yo ke Îtalya de  weşan keno hêrişê kîmyewîyî yê dewleta tirke yê vera gerîlayan kiriştî pelanê xo. Xebara bi îmzayê Umberto Mazzantini de bale ameye antene hêrişê kîmyewîyî yê dewelta tirke û vera nê bêvengîya mîyanneteweyî ser.

Xebere de wina ame vatene: ''Artêşa tirke bi çekanê qedexeyan û bombayaynê leyminan vera gerîlayanê kurdan hêriş kena. Sey Ukrayna û Gazze la dinya verê xo açarnena hetê bînî.''

Umberto Mazzantini wina qala dirîyîye û sûcanê dewleta tirke kerde: ''Şerê Ukrayna û Fîlîstînî   bala rayrapêroyîya tay welatan ancena xo ser la semedê domnayîşê şeranê leyminan sey firsetêkî yenê vînayene.Tirkîyaya ke sey endamêkê NATOyî mabênê Rûsya û Ukrayna de mîyançîye kena û xoserîya Fîlîstînî wazena, zulmê kurdan kena. Hêrişê Surîye û Iraqî kena, îşxal kena, bombarduman kena  û mirnena. Vera kurdan çekanê qedexeyan şuxilnena.''

Mazzantiniyî bale ante dîmenanê şuxilnayîşê çekanê qedexeyan ser ke 27ê gulane de hetê gerîlayanê YJA Starî ra ameyî weşanayene.

Mazzantiniyî vat: ''Gazze û Ukrayna de merdimî mirenî. Kurdî zî bi des serran o bi nameyê eynî azadîye mirenî. Ma kurdî senî lez xo vîra kerdî. Welatêko mutefîkê ma bi nê hêrişê çekanê qedexeyan azadîya ma bi xo jehr keno. Ma nê hêrişan nêvînayîşî ra yenê. Ma verê xo danê hetê bînî ke wa boya kîmyewîye ya şerê îmha û îşxalî nêro ma.''