Seba wedartişê tecrîdî bi serkêşîya Leyla Guvene û Nasir Yagizî grevê vêşanîye ameybî destpêkerdene. Nê çalakîyî xeylî bajaran de dewam kenê. Çalakîya Nasir Yagizî ya grevê vêşanîye roja 154’ine de ya. Çalakîya grevê vêşanîye yê biagêrayîşî yê Hewlêrî zî bi grûba 77’ine dewam kena.

Silêmanî de zî hetê Komeleya Karkeran a Mezopotamya ra grevê vêşanîye amebi destpêkerdene, na çalakî zî roja 131’ine de dewam kena. Grûba 66’ine çalakî dewr girewte.

Mexmûr de zî Sazîya Keyeyanê Şehîdan grevê vêşanîye dabi destpêkerdene. Na çalakî roja 129’ine de bi koma 43’ine dewam kena. Çalakîya grevê vêşanîye ya endama Koordînasyonê Meclîsê Îştarî Fadîle Toke ya bêdem û bêagêrayîşî zî roja 95’ine de dewam kena.