Serokwekîla Koma DEM Partî Gulistane Kiliç Koçyîgît Meclîs de kombîyayîşê çapemenîye kerd û rojdem ercna.

Gulistane hêverî 78 qurbanê Şewatê Boluyî yad kerdî.

Gulistane bale ante ser ke heyetê DEM Partî 22yê çeleyî de Îmrali de, Rayber Apo dîyo û vat: ''Nê pêvînayîşî de netîceyê zîyaretanê bi partîyan, rexne, pêşnîyazê partîyan Birêz Ocalanî de ameyî parekerdene. Birêz Abdullah Ocalan seba çareserîya meseleya kurdan şensêk o. Bi tewirê xo o eşkeno çareserîye bîyarı ca. 

Ocalan firsendêkê tarîxîyî pêşkêş keno. Ganî no firsend bero ercnayene. Seba ke nîqaşê çareserîye binetîce bibê û netîceyî pozîtîf bibê ganî îqtîdaro sîyasî gamanê hewceyan bierzo. Ganî qanûn bi lezî virazîyê. Seba ney zî ganî Meclîs bi mesuldarî têbigêro. Ganî şert û mercê karî yê Birêz Ocalanî cade bêrê raştkerdene, tecrîd bêro wedaritene û seba azadîya ey gamî bierzîyê.''