Şerwanê Yewinanê Pawitişê Cinîyan (YPJ) 8ê kanûna 2024î ra nata Awbendê Tişrînî de vera hêrişanê îşxalî xover danê. Şerwananê YPJyî ajansê ma rê qisey kerd.

Şerwane Sara Tolhildan vat: ''Ma seba pawitişê Awbendê Tişrînî tîya de yê. Ma do rayîr nêdê îşxalê dewleta tirke. Dişmen verê qerardarîya QSD û YPJyî de nêeşkeno gamêke zî aver şoro. Ma do îşxalî rê destûr nêdê; çunke ma serkewtiş de qerardar ê. Nobeta şarî zî hêz dana ma. Şarê ma şehîdî dayî la bi qerardarî nobete rê dewam keno.''

Şerwane Vîyane Tolhildana ke ereb a vat: ''Tunelanê xoverdayîşî de vîrameyîşê qîmetînî ameyî afernayene. Heta ke îşxalê dewleta tirke nêqedê ma do têkoşînî ra fek vera nêdê. Dişmen verê xoverdayîşê ma de nêeşkeno aver şoro, xo apey anceno. No xoverdayîş xêrê hêvî û bawerîya şarê ma de yeno kerdene. Destekê şarî motîvasyonê ma yo. Bi na bawerîya şarê xo ma do ser bikewê û îşxalî bişiknê.''