Koordînasyonê Kongra Starî derheqê cezaya îdamî ya ke dîyaye Pexşane Ezîzî eşkerayîye daye. Eşkerayîye de bale ameye antene zîhnîyetê otorîterî yê Îranî ser û ame vatene ke bitaybetî vera cinîyan ê xoverdayoxan kam ke qala raşte vano û azadîye wazeno vera înan polîtîkaya zulmî dewam kena.

Eşkerayîye de ame vatene ke cezaya îdamî ya ke dîyaye aktîvîste Pexşane Ezîzî rîyê Îranî yo raşt veto meydan û ame îfadekerdene ke no rejîm bi zextê vera şar û cinîyan wazeno krîzanê xo yê teberî binimno.

Kongra Starî Pexşane Ezîzî sey sembolê cinîya azade ke vera zextî têkoşîn kena pênas kerd û veng da heme cinîyan û komelan ke wa vera poltîkayan sîstemê depotîk û qirkerdî têkoşîn bikerê.

Kongra Starî vat, ''Heta wedaritişê cezaya îdamî, qedîyayîşê polîtîkaya qirkere ya vera îradeyê cinîyan û komelê azadî ma do çalakîyanê xo bidomnê.''