Endama Koordînasyonê PAJKî Şîmale Ulkem Guneş ANFyî rê qisey kerd.

Şîmale Ulkem Guneş bale ante ser ke gerîlayî hê vera artêşa pîlêre ya NATOyî artêşa tirke şer kenê û vat: ''Gerîlayî îradeyê xo tewirê Îmraliyî ra gênê. Rayber Apoyî vatbi 'Ez PKKyî şinasneno, o nêno binkerdene.' Ma şerwanê nê perspektîfî yê. Karakterê PKKyî de teslîmîyet çin o. Gerîlayî vera her hêrişî de benê bihêzêr.''

Guneşe ard ziwan ke PDK vera PKKyî amadekarîya şerî keno û hetê dewleta tirke de vindeno û vat: ''Cinîyî ganî nê tewirî qebul nêkerê. Ma venga cinîyanê Başûrî danê ke wa wurzê payan ser, wayîrê wezîfeyê welatperwerîye vejîyê û seba yewîya neteweyîye rolê xo bîyarê ca. Ganî vera îşxalî tewr zaf cinîyî veng vejê.

Têkoşîn ganî têna koyan de nêmanp. Nê SÎHA û ÎHAyê ke her roje koyanê Kurdîstanî danê bombayan ver, daristanan vêşnenê, gonîya gerîlayan rijnenê  Êlih, Amed, Meletî ra yenê. Sanayîyê înan zî Bursa, Anqara, Adana û Hewlêr de yo. Her kes dewe, taxe û şaristanan de eşkeno dişmenî rê cewab bido. Êyê ke eşkenê wa bêrê koyan, tewrê têkoşînî bibê. Têkoşîno tewr rûmetên ê gerîlayan o.

Şarê Êlihî welatperwer o. Amed û Êlih de şarê ma eşkeno verê nê SÎHA û ÎHAyan bigêro, verê baregehanê nê teyarayan de sey dês û awbendî vindero. ''