Dewleta tirke ya îşxalkere 15ê hezîrane de bi hawayêkê hîrayî Şingal, Mexmûr û herêmanê Başûrê Kurdîstanî ser o bombayî varnayî. Dewleta tirke vera Başûrî hamleya hêrişî daye destpêkerdene. 

Başûr de Ciwananê Welatperweran û Cinîyan ê Ciwanan ê Têkoşeran Hamleya Seferberîya Heftanînî îlan kere. Rêxistinanê Ciwanan 30ê hezîrane de bi şîarê 'Seba Kurdîstanêkê azad û yewbîyayeyî faşîzm birijnê' Hamleya Seferberîya Heftanînî îlan kerde. Endamê Komîteya Rayberdişî ya PKKyî Duran Kalkanî paştî daye ciwananê Başûrî û seba beşdarîye hamle veng da.

Dima ciwananê Meclîsê Binarê Qendîlî pare kerd ke ê do tewrê Seferberîya Heftanînî binê. Xeylêk cinî û ciwananê Başûrî zî medyaya komelkîye de ard ziwan ke ê do tewrê Seferberîya Heftanînî binê. 

16ê temmuze de komêka 4 kesan eşkerayîyêke daye û vat ke ê çarçewa vengdayîşê Duran Kalkanî de tewrê Seferberîya Heftanînî benê. Reyna Kerkûkî ra Hîwa Bestûn Elî tewra gerîlayan bîye. Şaristanê Silêmanî ra zî ciwanê bi nameyê Hestîyar Kamuran, Çemçemalî ra Şar Laçîm Husên,  tewrê gerîlayan bîyî.