Çewlîg de bi şîdetê 5.7î erd lerzîyabi û qezayanê Kanîreş û Çêrme de 22 bînayî rijîyabî, xeylêk kesî birîndar bibî.

Wekîlê HDPyî yê Çewlîgî Erdal Aydemîr, Wekîla HDPyî ya Wanî Muazzeze Orhan, Endamê Dîwanê KCDyî û îdarekarê HDPyî vizêr serê sibayî şîyî dewe û dewekanê Çewlîgî ke tede erd lerzîyabi.

Hemwelatîyan heyetî rê îfade kerd ke ê rîyê erdlerzî ra nêeşkenê debikewê keyeyanê xo, xeyman de manenê û nêeşkenê hewcedarîyê xo peyda bikerê. Hemwelatîyan ard ziwan ke axurê înan rijîyayî û vat: ''Ma zî neçarîye ra heywanê xo wareyan de verdayî. Ma nêeşkenê karê xo bikerê. Ma veng danê ke keye û axurê ma bivirazîyê nêbo ma do nêeşkê çîyêk bikerê.''

Wekîlê HDPyî yê Çewlîgî Erdal Aydemîrî zî pare kerd ke seba ke medûrîyetê şarî derbaz bibo ê do têbigêrê.