Çarçewa 'Bernameyê Têkoşînê Demokratîkî' de heyetê HDPyî vizêr şi Çewlîg.  Wekîlê HDPyî yê Çewlîgî Erdal Aydemîr û heyetî Baroyê Çewlîgî, Odaya Yewîya Esnafan û Sanatkaran, Egitim-Sen, Odaya Sanayî û Bazirganîye zîyaret kerdî.

Aydemîrî zîyaretanê xo de ard ziwan ke HDP temînatê haştîye yo û rêxistinê sivîlê komelî û dezgehî seba awanbîyayîşê demokrasîyî xeylêk girîng ê.

Heyetê HDPyî dima zî şi Bongilan û Kanîreş û nê qezayan de zî tay cayî zîyaret kerdî. Aydemîrî esnafan reyde qisey kerd û îfade kerd ke ê do bi têkoşînê hemparî heqê krîzê ekonomîkî ra bêrê.