Roja dişemeyî hêrişê vera bananê HDPyî yê merkez û qezayanê Êlihî de hemserekê bajarî Fatma Ablay û Omer Kulplu û Hemserekê Mekezê Qeza gurbete Dogan ameybî destbendkerdene.

Ewro verê banê HDPyî yê Êlihî de bi eşkerayîya çapemenîye nê hêrişî ameyî şermezarkerdene.

Eşkerayîye binê ablûqaya polîsan de ameye kerdene. Polîsan înanê ke balkonan ra eşkerayîye seyr kerdêne bi tepiştişî tehdît kerdî.

Wekîla HDPyî ya Êlihî Feleknase Uca bale ante ser ke hêrişî faşsît bizafbîyayîşî dewam kenê û vat: ''Ma çirey vera tehdîtanê û hêrîşanê înan milê xo çewt nêkerd û ma do milê xo çewt zî nêkerê. Şima pê gerreyêkî nêeşkenê bierzê bananê ma ser û embazanê ma destbend bikerê. Êyê ke wina bêhuqûqîye kenê rew ya erey do hesabê nayî bidê. Înan ke yew roje de bi seyan embazê ma destbend kerdî wa bizanê ke verî bi des hezaran embazê ma zî ameyî tepiştene la ma hîna bihêz bîyî.''

Eşkerayîye bi sloganan ê zetxtê nêeşkenê verê ma bîgirê qedîyaye.

Hemwelatijê ke badê eşkerayîye şîyî banê HDPyî hela ke vejîyayî teber bi bahaneyê pandemî înan rê ceza ameye birnayene.