Roportajêko ke rind bi ke mi xo vîrî ra nêkerd. O têna mi de nê, pênus û kagitê destê mi de û qemera û çimanê mi de zî bi bêpeynî û zerrîya şarê kurd û erebî de cayê xo girewt.

Nameyê ci kurdkî yo kişta kodê ci de zî bajarêkê Kurdîstanî esto. Bajarê Efrînî yo ke  nika binê îşxalî de yo her roje şerwanê YPG û YPJ xîret kenê ke newe ra azad bikerê. Demhat Efrîn xoserîya xo kerda heqbeyê xo û verê xo dayo gerîlayan. Kurdkîya ci zî hole nîya la vatêne ke ez eşkena xo îfade bikerê. Mi vat ti wazenê erebkî qisey bikerê. Vat: semedê xatirê Şehîd Goran û Şehîd Rustemî ez do kurdkî qisey bikerî. Ez wina xo rehetêr hîs kena.

Gerîlayo ciwan Demhat vera polîtîkaya qirkerdiş û îşxalî yê vera şaran û semedê azadîya şarê xo û şarê kurdî şer kerdêne. Heqbeyê ci de biney cuyaya demê rayverteyî, biney ruhê ciwanîye, derheqê gerîlayan de yew di zanayîşî, biney heskerdişê herre, biney waştişê azadîye, biney bawerîya afenayîşê rindîye, biney hêrsê vera zalamî bi eşqî verê verê xo dayo koyan. Xora semedê şerkerdişî nê çîyî besê û zafî zî manenê. O wext ciwanê Kurdîstanî qey vindenê; Demhatî herinda înan de zî verê xo dayo koyan.