Merkezê Îrtîbatî û Çapemenîye yê HPGyî derheqê çalakîyanê gerîlayan de pê eşkerayîyêke tay zanayîşî dayî.

Eşkerayîya HPGyî wina ya:

''Hêzanê ma yê YJA-Starî çarçewa Hamleya Şorişgêre ya Cengê Heftanînî de 17ê temmuze de vera artêşa TCyî ya îşxalkere tay çalakîyî kerdî. 

Hêzanê ma saete 09:40, 12:05 û 17:05 de vera leşkeranê îşxalkeran ê ke Girê Şehîd Cûdîyî yê Şeşdara de ca dabî xo, çalakîyê sekbanîye kerdî. Nê çalakîyan de 3 leşkerê dişmenî ameyî cezakerdene. Hêzanê ma nêmroje zî vera îşxalkeran Girê Tunelî yê Şeşdara de pê taktîkê sekbanîye çalakîyêke kerde. Çalakîye de leşkerêk ame cezakerdene. Hêzanê ma Girê Şehîde Bêrîvane de vera leşkeran çalakîyêka sekbanîye kerde û leşkerêk ceza kerd.

Teyarayanê şerî yê artêşa TCyî ya îşxalkere 17ê temmuze de warê Şehîd Dîrenî yê Herêma Avaşînî yê Herêmanê Pawitişî yê Medya, warê Karker û Şehîd Şahînî yê herêma Zapî ser o bombayî varnayî. Nê bombardumanan de zerarêk nêresa hêzanê ma ser la herême de şewat vejîya.''