Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayî daye û nê pare kerdî:

''20ê tebaxe de warê Pîrbûla ya Heftanînî de mabênê hêzanê ma û leşkeranê tirkan de pêkewtişê giranî qewimîyayî. Nê pêkewtişan de xeylêk leşkerê dişmenî ameyî cezakerdene. Artêşa tirk a ke hêzanê ma ra derbê giranî werdî 21ê tebaxe ke saetanê serê sibayî de kewte dewanê Banike  û Minine û banê sîvîlan tafînayî. Mabênê hêzanê ma û îşxalkeran de pêkewtişî ge-ge dewam kenê. Derheqê pêkewtişan de zanayîşê ke bikewê de destê do rayapêroyî dir bêrê parekerdene.

20ê tebaxe de di wesayîtê leşkerî yê artêşa tirke pîya 12 leşkeran hela ke warê Gelîya Reşî yê Xakurkê ra ver bi  warê Ermûşî şiyênî hetê hêzanê ma ra ameyî pirdodayene. Çalakîya ke çarçewa Hemleya Şorişgêre ya Şehîde Ronya û Şehîd Bagerî de  ameye kerdene, 2 leşkerê dişmenî ameyî cezakerdene û 2 hebî zî birîndar bîyî. Badê çalakîye herême ameye bombardumankerdene.

17ê tebaxe de artêşa tirke warê Herkî yê Şemzînanê Colemêrgî de operasyonêko hîra da destpêkerdene. Operasyon hema dewam keno. Eynî roje warê Cemel û Derîye Berana yê Cûdîyî de bi helîkopteran leşkerî ameyî warardene. 18ê tebaxe de  operasyonê îşxalî ame destpêkerdene.  Eynî roje saetanê şanî de operasyon destveng peyser ame antene.

20ê tebaxe de vera Herêmanê Pawitişî yê Medya de hêrişê hewayî ame kerdene. Warê Karkerî  Kunişka, û Saca yê Zapî saetanê cîya cîyayan de pêser ameyî bombardumankerdene. Badê hêrişan  şewat vejîya ke hema dewam keno. Eynî roje warê Goşinê yê Xakurkê ame bombardumankerdene.''