Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêka nuştekîye daye û nê pare kerdî:

Partîzan de 2 leşkerî ameyî kiştene

''Çarçewa Hemleya Şorişgêre ya Cengê Heftanînî de hêzanê ma 21ê tebaxe de Qilê Qesroke yê warê Partîzanî de 2 çalakîyê suîqestî  viraştî. Nê çalakîyan de 2 leşkerî ameyî cazakerdene.

Xakurkê de 10 leşkerî ameyî kiştene

Eynî roje Çarçewa Hemleya Şorişgêre ya Şehîd Bagerî û Şehîde Ronya de  Xakurkê de konvoyêkê dişmenî ke  herêma Kevorte ra ver bi Qilê Lêlikanî şîyêne ame pirodayene. Çalakî de wesayîtêko zirxin bi temamî ame îmhakerdene û 10 leşkerî ameyî cezakerdene. Pêşmerge Nevrat Reşîto ke wextê çalakî de herême de bi badê çalakî xîret kerd leşkeranê tirkan rê hetkarî bikero la raştê hêrişê leşkeran ame û birîndar bi.

Gever de çalakî

Çarçewa Hemleya Şorişgêre ya Şehîd Bagerî û Şehîde Ronya de 17ê tebaxe de Geverê Colemêrgî de çalakîyêke ameye viraştene. Dola Doskî de kamerayê mobeseyî ke atêşa tirke tîya ca kerdbî, ameyî îmhakerdene.

Sêrtî de pêkewtişê giranî

23ê temmuze de  warê Gelîya Bombatî yê qezaya Xizxêrî ya Sêrtî de mabênê hêzanê ma û dişmenî de pêkewtişê giranî  qewimîyayî ke 5 rojî derg kerd. Nê pêkewtişan de zaf vînîbîyayeyê dişmenî estê. Embazê ma Zinar û Egîd ê heta guleyê xo yê peyêne tekoşîn kerd şehîd bîyî. Derheqê nasnameyê embazanê ma de zanayîşo hîra do dima ra bêro parekerdene.

Bedlîs de 3 gerîlayî şehîd bîyî

11ê tebaxe de warê Şehîde Mizgîne yê Bedlîsî de artêşa tirke operasyon da destpêkerdene.  Pêkewtişanê di rojan de artêşa tirka ke hêzanê ma a derbê giranî werdî, herême bi teyarayanê şerî herême bombarduman kerde. Netîceya hêrişê hewayî û pêkewtişan de embazê ma Kendal, Asmîne û Amara yê ke bi hawayêkê fedaîyî vera dişmenî şer kerd, şehîd bîyî. Derheqê nasnameyê embazanê ma de zanayîşo hîra do dima ra bêro parekerdene.

Şirnex de gerîlayêk şehîd bi

17ê tebaxe de artêşa tirke  warê Marinosî yê Bêşebabê Şirnexî de operasyon da destpêkerdene. Eynî roje pêkewtişê giranî qewimîyayî. Nê pêkewtişan de embazê ma Demhat tewrê kerwanê şehîdan bi. Hûmara merde û birîndaranê dişmenî yê ke hetê hêzanê ma ra bitesîr ameyî pirodayene, nêameyî zelalkerdene.

Medayaya tirkî şarî xapînena

19-20ê tebaxe de warê Damîrkapi yê Bazîdê Agirî hetê teyrayanê şerî ra ame bombardumankerdene. Netîceya nê hêrişan de vînîbîyayeyê ma çîn ê la dewleta tirke û medyaya ci bi xeberanê zûran propaganda kerd ke vînîbîyayeyê ma estê. Nê xeberî raşt nîyê.

Wan de çalakî

29ê tebaxe de Çaldiranê Wanî de dormeyê dewa Pira erdê de vera wesayîtêkê dişmenî ke leşker û kotrayî kiriştêne çalakîya sabotajî ameye kerdene la hûmara merde û birîndaranê dişmenî safî nêbîye.

Hêrişê hewayî

19ê tebaxe de warê Sinîne yê Xakurkê û 21ê aşme de warê Karkerî, Şifreza, Bircela, Canmeda  û dormeyê awa Zapî hetê teyarayanê şerî ra ameyî bombardumankerdene. Nê hêrişan de vînîbîyayeyê ma çîn ê la erazî de şewat vejîya û hema dewam keno.''