Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

Heftanîn

''Çarçeweya Hemeleya Şorigêre ya Cengê Heftaînî de hêzanê ma vera îşxalkeran çalakîyî kerdî. Detayê çalakîyan wina yê:

10ê tebaxe de hêzanê ma  Qilê Qesrokê yo ke warê Partîzanî de yo de vera îşxalkeran çalakîya suîqestî kerde, leşkerêk ame cezakerdene. Eynî roje hêzanê ma yê YJA Starî Qilê Katosulê yê warê Bektorya de çalakîya suîqestî kerde, leşkerêk ame cezakerdene.

8ê tebaxe de pêkewtişanê giranan ê warê Pîrbûla de embazêka ma ra îrtîbatê ma qerfîyabi. Embaz ma Sorxwîne Amed warê Pîrbûla de heta guleyê xo yê peyêne şer kerd û tewrê kerwanê şehîdan bîyî. 9ê tebaxe de hêrişê hewayî yê warê Pîrbûla de embazê ma Ferman û Mazlûm şehîd bîyî.  Zanayîşê nasnameyê embazanê ma do peyra bêrê parekerdene.

Colemêrg

Çarçeweya Hemleya Şorişgêre ya Şehîd Bagerî û Şehîde Ronya de hêzanê ma yê YJA Starî Geverê Colemêrgî de vera îşxalkeran çalakîyêke kerde. Çalakîya sabotajî ya ke 11ê tebexe de vera îşxalkeranê ke dormeyê Qereqolê Zînê de ameybî cakerdene, ameye kerdene de  yewîya dişmenî bisabet ameye pirodayene. Na çalakî de 3 leşkerê dişmenî ameyî cezakerdene.

Dêrsim

Qezaya Xozatî ya Dêrsimî de hêzanêma 10ê tebaxe de vera kontrayanê ke viraştişê qereqolî yê dewa Çakmakli de gureyene çalakîyêke kerde. Çalakîya ke wesayîtê kontrayan ameye derbkerdene de hûmara merde û birîndaran nêameye tesbîtkerdene.

Agirî

Qezaya Bazîdî ya Agirî de hêzanê ma 9ê tebaxe de vera îşxalkeran ke nizdê dewa Mişkê de ameybî cakerdene, di hetan ra çalakîyêke kerde. Çalakîya bitesîre de di leşkerê tirkî ameyî cezakerdene û 3 hebî zî birîndar bîyî.

Şirnex

2ê tebaxe de artêşa tirke ya îşxalkere warê Çiravî yê herêma Koyê Cûdîyî de operasyon da destpêkerdene û roja bîne operasyon destveng peyser ame antene.

Avaşîn

Teyrayanê şerî yê tirkî 9ê tebaxe de warê Mervanosî yî herêma Avaşînî yê Herêmanê Pawitişê Medya bombarduman kerde. Nê hêrişan de vînîbîyayeyê ma çîn ê.''