Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

Heftanîn de 2 leşkerî ameyî kiştene

''Çarçeweya Hemleya Şorişgêre ya Cengê Heftanînî de hêzanê ma yê YJA Starî 9ê hezîrane de Qilê Partîzanî û 10ê aşme de zî Qilê Konferansê Girdî de da dişmenî ro. Her di çalakîyanê suîqestî de zî leşkerêk ame kiştene. Reyna eynî roje cemê şanî eynî cade çalakîyêke ameye kerdene la hûmara merde û birîndaran ê dişmenî zelal nêbîye.

Colemêrg  de hêzê operasyonî ame pirodayene

1ê hezîrane de artêşa tirke qezaya Çelê ya Colemêrgî de operasyonêk da destpêkerdene. Operasyono ke mabênê qilanê Canmeda û Şelale yê warê Xeregolî de ame kerdene de hêzanê ma çarçeweya Hemleya Şorişgêre ya Şehîd Bager û Şehîde Ronya de da yewîyanê dişmenî ro.  Çalakîya ke xeymî û mewzîyê dişmenî bitesîr ameyî pirodayene de netîceya ci safî nêbîye.  Herême de operasyon dewam keno.

Herekol de 10 leşkerî ameyî kiştene

29ê gulane de herêma Herekolî yê Sêrtî de operasyonêk ame destpêkerdene. Herême hetê helîkopteran û bi  topanê obus û hawanan ameye bombardumankerdene. Bado ke hêzê dişmenî  bi helîkopteran herême de ameyî cakerdene, mabênê hêzanê ma û dişmenî de pêkewtişî giranî ê di rojan qewimîyayî. Netîceya pêkewtişan de tewr tay 10 leşkerê dişmenî ameyî kiştene û xeylêk zî birîndar bîyî. 3 embazê ma yê ke heta guleyê xo yê peyêne bi qehramankî şer kerdî tewrê kerwanê şehîdan bîyî. Artêşa tirke seba ke vînîkerdeyanê xo binimno xeberê zûrî sey qeza serwîs kerdî.

Dêrsim de kuleyê çimdarî ame pirodayene

Qezaya Pulurî ya Dêrsimî de 10ê hezîrane de kuleyêke çimdarî yê artêşa tirke yê herêma Tosûnî ame pirodayene. Netîceya çalakîye de xeylêk malzemeyê çimdarîye ame îmhakerdene.''