Goreyê zanayîşanê ke ameyî girewtene roja sêşemeyî qezayanê Licê, Hezro, Farqîn û Pasûrî yê Amedî operasyono leşkerî ame destpêkerdene û eynî roje ame qedînayene. Çarçeweya operasyonî de şarê herême raştê îşkenceyê leşkeran ame û dewar ame qetikdene.

Operasyonî ra rojêke verê cu 8ê hezîrane de taxa Hindêsî ya Farqînî de polîsan eşt keyeyan ser. Leşkeran pêkî kelemçeyî dayî destê dewijan ro, ê darb kerdî û taxe çarnayî û vato ''şima do terorîstan bimojnê ma.''

Wextê operasyonî de destur nêdîya ke şar keyeyanê xo ra vejîyo teber û dewarê şarî zî hetê helîkopteran ra ameyî pirodayene. Dewarî ra tayî ameyî qetilkerdene ê ke birîndar bîyî bi hawayêke mecbûrî hetê dewijan ra ameyî serebirnayene. Reyna xeylêk dewarî zî bombayan ver terqayî bîyî vînî. Şar zî rîyê tehtîdanê dewlete ra nêeşkeno vejo, bigêro dewaranê xo.