Gerîlayê Azadîye yê Kurdîstanî pê Hemleya Şorişgêre ya Bazanê Zagrosî cewab danê hêrişanê îşxalî yê artêşa tirke, Avaşîn de derbanê giranan danê dişmenî ro. Notê gerîlayan rewşa xoverdayîşî eşkera kenê.

'Mamreşo do tarîxî binuso'

23ê Nîsana 2021î /Şewa Operasyonî/ Avaşîn

Çew şaş nêmend.Çunke gerîlayan dişmenê xo şinasnayêne. Coka hem ma amade bîyî hem zî bi tedbîr bîyî. Ma amadekarîya operasyonê nîsane kerdbi, têna ma wext û cayê ci nêzanayêne. Şanê 23ê nîsane saete 7 ra dima teyarayanê şerî Qertal, Geliyê Basta, Geliyê Avaşînê, Girê Sor, Mamreşo, Werxelê, Aris Faris, Dola Konferansê û Şûkê dayî bombayan ver. ma o çax Kampa Şehîd Şoreşî ya Gelîya Basya de bîyî ke dûştê Girê Mamreşoyî de bîye.  Teyarayan bêmabên erazî da bombayan ver. Wexto ke dişmen pê obus û hawanî da Mamreşoyî ro ma hînî pê hesîyayî ke operasyon çade do bêro kerdene. Embaze Maryaya ke newe amebî warê çekî û manga vatbi 'Embazênê lez wurzê, dişmen leşkeran ano war.' Dima ma verî wina vat 'Mamreşo do tarîxî binuso.''

'Avaşîn dişmenî rê do bibo goristan'

24ê Nîsana 2021î / Roja 1. ya Xoverdayîşî / Avaşîn

Wexto ke dişmenî leşkerê xo ardêne war Mamreşo de embazan darbe daye di Skorskîyan.  Dişmenî pê bawerîya teknîkê xo leşkerê xo ardî war. Dişmenî vatêne qey înan da gerîlayan ro. La gerîlayî tunel û mewzîyan de pabeyê dişmenî bîyî. Ê do nêeşkayêne wina rehet bêrê Mamreşo! Aris û Farisan ra heta Rodî û Nalînan Mamreşo warê xoverdayîşî bi.

Wexto ke dişmenî xîret kerd debikewo şikefte embazan cewabê înan pê çeknaê ferdîyan da. Dişmen neçare mend ke xo apey bigêro. Kurdîstan de hele ke kelaya xoverdayîşî Zagrosan de dişmenî rê rayîr nêdîyeno! Seke deyîrêke vatêne 'Ne Îskender ne Tîmur, ne ereb ne zî farsî'

Dişmenî narey pê skorskîyan merdeyê xo girewtî. Dişmenî wexto ke newe ra xîret kerd debikewo tunelan embazan teqaberêk faal kerd. Dişmen neçare mend ke xo qademeyêke apey bigêro.

Ma nê şikefteyî seba ke gerîlayan bipawê pê sebrê Eyupî, miradê Ferhatî, xoverdayîşê dadî û pîrikanê xo û pê ruhê Apogîrî qul kerdbi.  Nê şikefteyî hînî bibî labîrentê ma yê şerî. Embazan ge ge pê yarîye vatêne 'Gereka ma nînan rê nêvajê şikefte. Ma kelaya xoverayîşê modernî û şaristanê binê erdî awan kerdî.' Raşta zî nînan ra hînî şikefte nêvajîyeno. Gerîlayî tira vanê 'mewzî û tunelê şerî.'

Embazan şewdirê 24ê nîsane pê hacetê bêtelî embazanê bînan reyde têkilîye ronaye. Vengê înan de moral, bawerîye û coş estbîyî. Fermandarê Herêma Mamreşoyî Sergat Giravîyî pêro dinya rê pê qîrayîşî wina vatêne: ''Mamreşo dişmenî rê do bibo goristan.'' Tîlîlîyanê embazan ê cinîyan ê Mamreşoyî bi sebeb ke Avaşîn de pêro embazan sond biwerê. Embaze Rûkena ke cepheyê xoverdayîşî de bîye vat: ''Îşxalkerî tersayî, tersayî dima zî agêrîyî şîyî.''

Kelaya xoverdayîşî ya Avaşînî têna Mamreşo nêbîye 24ê nîsane de ma agahîya ci girewta ke dişmen şewdir de dayo waranê Şehîd Serdar û Şehîde Dilgele yê Mervanosî ro. Embazanê ke mewzîyanê şerî yê Şehîd Serdarî de bîyî cade da dişmenî ro û dişmenî xo aepy girewt. Dişmenî xîret kerd ke bikewo tunelanê şerî la embazan reyna cewabê înan da. Cewabê gerîlayan zelal û xurt o: Nê tunelan ra dişmen encax bi hawayêkê kişteyî vejîyo.

Çalakîya embazan ê cinîyan morê xo da binê xoverdayîşî. Leşkerê dişmenî verê mewzî û tunelan de kom bibî. Embazan ê cinîyan zî ê kerdî hedef û da înan ro. Leşkeran fam nêkerd ke hêriş kamca ra ameyo û ê cade remayî.

Xoverdayîşo ke pê nameyê xo berz bîyo

25ê Nîsana 2021î /Roja 2. ya Xoverdayîşî /Avaşîn

Şewdirê 25ê nîsane de Muharebeya Qertalî (kodê hacetê bêtelî yê Avaşînî) ra ame parekerdene ke nika ra pey tekmîlê çalakîyan çarçewa 'Hemleya Şorişgêre ya Bazanê Zagrosî' de do bêro dayene. Embazan nê anonsî ra pey nameyê hemle pê coş û tîlîlîyan pêşwazî kerd. Embazêkî vat: ''Embaz no name zf weş bîyo. Çi vatêne 'halîna bazan pepûkan rê nêbena!''

Warê Mamreşoyî de vengê helîkopteran û teyarayanê şerî nêvindertêne. Mamreşoyî ra heta gerîlayanê xorinan ê Basya no heqîqat qîrayêne: No şer do cîya bibo, no şer beno ke do çarenûsê Zagrosan û Kurdîstanî eşkera bikero.

Embazan xoverdayîşê xo rê dewam kerdêne. Tunelanê Şehîd Munzurî de 7 gerîlayan û tunelanê Şehîd Serdarî de 5 gerîlayan vera bi hezaran leşkeranê tirkan xo ver dayêne. Îradeyo winasên vera hende îşxalkeran vindertêne. Marşê fetîhî yê leşkeranê tirkan verê tunelanê Mamreşo û Şehîd Serdarî de bîyî zûr.

Vizêr Mamreşo de embazan dişmenî teqîb kerd û verê mewzîyanê înan de pê çalakîya sabotajî da înan ro. Tîya de 9 îşxalkerê TCyî ameyî cezakerdene. Dişmenî bi lezî merdeyê xo pê helîkopteran berdî.

Na çalakîye ra dima herinda pêkewtişan de bêvengîye virazîyaye. Na bêvengîya nîşaneya şoqê leşkeranê tirkan bîye. Leşkeranê tirkanê ke nêeftayê bêrê  kutikê bi kamera erşawit tunelan. Kutik cade hetê embazan ra ame bêtesîrkerdene û dest nîya kamera ser. Dima ma vengê embaz Zaferî eşnawit. Pê hûyayîşî wina vatêne: ''Embazênê ez a ez Zafer. Mi kutik girewt.'' Embazêkê bînî pê yew cumle rewşe xûlase kerde: ''Hende nê kutikî nîyê.''

Dişmenî ewro tewr tay 5 reyî xîret kerd ke debikewo tunelan. La her reye derba girane werde û xo apey ant. Leşkerê ke heta saeta 10î ya şanî ser nêkewtê dima ke embazan tunelî ser o mayinî teqnayî neçare mendî ke şorê. Helîkopterê şerî resayî hewarê nê leşkeran û pêro şewe war da bombayan ver.

Cepheyê bînî yê Mervanosî de xoverdayîşê 5 embazan destanêk nuştêne. Vizêr dişmenî xîret kerd ke bikewo mewzîyê Şehîd Serdarî la embazan da înan ro. Dewleta tirke Avaşîn de şerêkê bêexlaqî ana ca. Bi seyan leşkeranê ke pê 5 embazanê ma nêeşkayî gazê kîmyewî eştî mewzî û tunelan ser. La embazî bitedbîr bîyî û înan vera gazî xo pawit. 3 embazan zî pê taktîkê sabotajî da dişmenî ro. Embaz Çekdaro ke mewzîyê Şehîd Serdarî de xo ver dayêne birîndar bi. La reyna zî xoverdayîşê xo rê dewam kerd.

Avaşîn beno ke bîyayêne şahîdê xoverdayîşê tewr bêhempayî yê tarîxî yê gerîlayan ke her hele derbe danê dişmenî ro. Roja hîrêyîne ya xoverdayîşî de serfîrazîye reyna bîye yê gerîlayanê azadîye yê Kurdîstanî.''