Gerîla Adil Çekdar payîzê 2020î de Rojhelatê Kurdîstanî ra ameyo eyaletê Avaşînî. O Serdeşt de dadîya xo ra bîyo. Adil Avaşînî ra verî xeylêk cayanê Kurdîstanî de têkoşîn kerd, perwerdeyê sabotajî girewt û dima verê xo da warê Girê Sorî yê Avaşînî. Ey vatêne gerîlayî merdimê berzî yê. Merdimê berzî zî ganî cayanê berzan de têkoşîn bikerê. Coka Adilî Girê Sorî û Girê Qertalî de têkoşîn kerd.

Adil hem gerîlayêko bicoş hem zî gerîlayêko cidî bi. Adil dima ke 23ê nîsane de Avaşîn de hêrişan dest pêkerd cade tewrê çalakîyan bi, qetî ey teredut nêkerd. 10ê gulane de zî ey bêterdut çante û çeka xo girewte ke warê Mamreşoyî de vera dişmenî çalakîye bikero.

Adilî operasyonî ra verî wina vatêne: ''Prosesê perwrerdeyî ra dima wexto ke ez ameya Avaşînîç zimistan dest pêkerdbi. Nika verê ma wisar û hamnan o. Ma do şorê pratîk bikerê. Ma 2021 de armanc kenê ke dişmen pûç bikerê. Ma na serre bikerê serra serfîrazîye. Ma do pê çalakîyanê xo derbe bidê dişmenî ro. Ê do seke Garê de bîyî bin bikewê.''

Adil Çekdar pê na qerardarîye 11ê gulana 2021î pa embazanê xo Bahoz Rojhat, Agir Arnos, Canpolat Mûsûl, Sîdar Amedû Mahîr Amedî kewt rayîr. Serê rayîrî de ê bombardumanê dewleta tirke de Mamreşo de şehîd bîyî. Gerîla Adil gerîlayêko çêr bi. Nika embazê ci Avaşîn de her derba vera dişmenî de qesasê Adîlî gênê.