Bado ke Şardarîya Îdirî 15ê gulane de ameye xespkerdene  û tede qeyûm ame cakerdene hemşaredarê HDPyî  Yaşar Akkuş û Eyleme Çelîk zî wezîfeyê înan ra ameybi dûrî fînayene û ameyi destbendkerdene. Derheqê dosyaya her di hemşaredaran de zî qerarê nimiteyîye esto.

Hemşaredar Yaşar Akkuş dima ke hîrê rojî nezaret de mend ewro vejîya mehkema û bi îdîaya ''endamîya rêxistene'' ame tepiştene û şawiya Zîndanê Îdirî.

Hemsereke Eyleme Çelîk zî hema zî Mudirîya Asayîşî ya Bajarî de ya û demê nezaratê ci seba çar rojan ame dergkerdene.

Akkuş hela ke amebi destbenkerdene vatbi: ''Ma nêdizna, nêwerd û nêda şima zî werdene coka no şima rê bi derd. Hêzê ma yo tewr gid şarê û ma hûyayîşê ma yo. no zî wa şima rê derd bo. Ma milê xo çewt nêkerd û çirey zî mekerê.''