Hemşaredarê Halfelî rê cezaya 7 serran û 6 mengan ameye dayene
Roniştişê vizêrînî yê dewaya Hemşaredarê Halfelî ya Îdirî Hasan Safayî de ke herinda ci de qeyûm ame tayînkerdene ci rê cezaya 7 serran û 6 mengan ameye dayene.
Hemşaredarê Halfelî yê Îdirî Hasan Safa 23ê adare de amebi destbendkerdene û 27ê adate de pê îdîaya 'endamîya rêxistine' û 'propagandaya rêxistine' amebi tepiştene. Dima herinda Safayî de qeyûm amebi wezîfedarkerdene. Roniştişo yewin ê Hemşaredarê Halfelî Hasan Safayî vizêr Mehkemeya Cezaya Girane ya Îdirî de ame kerdene. Safa Zîndanê Patnosî ra pê rayîrê SEGBÎS tewrê roniştişî bi.
Safayo sûcê 'prropagandaya rêxistine' ra amebi veradayene seba ci ame waştene ke sûcê 'endamîya rêxistine' ra bêro veradayene.
Heyetê mehkeme sûcê 'endamîya rêxistine' ra cezaya zîndanî ya 7 serran û 6 mengan daye Safa.
