Çarçewa tehqîqatê KCDyî de 20ê temmuze de Hemsereko verên ê Sendîkaya Kedkaranê Xizmetanê Umûmî û Weşîye (SES) yê Amedî Recep Oruç seba îfade amebi vengdayene. Oruç pê waştişê tepiştişî sewqê mehkeme bi. 

Oruç bi îdîaya ''endamîya rêxistine'' ame tepiştene û erşawîya Zîndanê Amedî.

Şubeyê SESî yê Amedî tewitter de derheqê mesele de na eşkerayîye daye: ''Recep Oru. dima ke seba îfade şi ame tepiştene. Îqtîdar xîret keno ke pêro muxalîfanê xo çin bikero. Ma vera na bêhuqûqîye sereyê xo nêane war. Embazê ma Recep cade vera bidê.''