Rojnameger Silêman Ehmedo ke hetê PDKyî ra amebi remnayene 29ê temmuze de Mehkemeya Cezaya Girane ya Dihokî de cezaya zîndanî dîyabî ci. Rojnamegerê Germîyanî Zimnako Yehyayî û Şaho Îbrahîmî derheqê babete de ANFyî rê qisey kerd.

Yehyayîyî dîyar kerd ke seba ke herêmanê PDKyî de azadîye çin a, rojnamegerî şinê şaristananê bînan û vat: ''Behdînan, Hewlêr û Dihok de mehkemeyê PDKyî sûcanê bêbingeyîyan ra rojnamegeran rê ceza danê. Coka rojnamegerî nê herêman teriknenê û şinê Silêmanî.''

Şaho Îbrahîmî da zanayene ke herêmanê PDKyî de bi bahaneyan rojnamegerî tepişîyenê û vat: ''Seba PDKyî viraştişê senrayoyan zaf asan o. Destpêkî ra heta nika tepişîyayîşê Silêman Ehmedî meşrû nêbi. Ma zanenê ke o raştîye de seba çi tepişîyayo.''