Dewleta tirke ya îşxalkere koyanê Kurdîstanî bêmabên dana dombayan ver û nê bombardumanan de heywanî zî yenê qetilkerdene.

Firat Rihayo ke Herêmanê Pawitişî yê Medya de doktorîye keno, heta nika zaf pezkovîyê birîndarî tedawî kerdê.

Firat Rihayî ard ziwan ke dewleta tirke koyanê Kurdîstanî talan kena û vat: ''Dewleta tirke wexto ke hêrişê Herêmanê Pawitişî yê Medya kena heywanan zî qetil kena. Pêro gandarê koyan benê hedefê dewleta tirke. Na pezkovîya ke verarê mi de ya, hêrişê dewleta tirke de birîndar bîye. Bombardumanî ra dima embazanê ma na pezkovîya birîndare dîye û mi rê arde.  Ma têna embazan nê heywananê birîndaran zî tedawî kenê. Sereyê pezkovîye birîndar bibi û şikîyabi. Dima tedawî ma do aye vera bidê.''

Rihayî bale ante hêrişanê dewleta tirke yê vera xozaya Kurdîstanî ser û venga heskerdoxanê heywanan û xozaperestan da û vat: ''Ganî vera hêrişanê dewleta tirke tewirê xo bimojnê. Dewleta tirke daran birnena û heywanan kişena, xozaya Kurdîstanî qir kena. Vera ney çew vengê xo nêkeno. Kesê ke vanê ez xoza û heywanan pawena wa vera na barbarîye vengê xo berz bikerê.''