Goristanê taxa Sîsê ya qezaya Licê ya Amedî hewteyê vîyarteyî de hetê dewleta tirke ra ame vêşnayene. Goristan cara nê panc serran de xeylêk reyî amebi texrîbkerdene.

Îdarekar û keyeyanê MEBYA-DERî bi wesîleya Roşanê Qurbanî goristan zîyaret kerd û dî ke goristan vêşa. 

Hemsereka MEBYA-DERî Yuksele Almas pare kerd ke hêrişê vera erjanê şarî resayî astêka newîye û vat: ''Armancê înan çinkerdişê erjanê şarî yo. Cayêkê bînî yê dinya de vera goristanan hêriş nêno kerdene. Metodê hêrişî tim vurîyenê la hîşmendîye nêvurîyena. Metodo newe yê hêrişan vêşnayîşê goristanan o Wazenê ke şar vera erjanê xo serdin bibo. Wextê şewatî de bi zanayîşî destûr nêame dayene ke şewat bêro hewnakerdene. Tay keyeyî nêeşkenê goranê domananê xo bivînê. Noyo ke amebi kerdene sûcêko pîl o. 

Eke hewce bibo ma goristanan de nobete gênê. Ma do goristananê neweyan bivirazê û babete berê Mehkemeya Heqanê Merdiman a Ewropa.''