Droneyanê çekdaran ê dewleta tirke ya îşxalkere nêzdîyê  Kampa Serdeştî ya Şingalî de hêriş kerd. YBŞyî da zanayene ke hêriş de 3 endamê înan şehîd bîyî.

Eşkerayîya YBŞyî wina ya:

''Ewro saete 13:50 de dewleta tirke ya îşxalkere bi droneyanê çekdaran hêrişê wesayîtêkê hêzanê ma kerd. Hêrişê wehşî de 3 embazê ma şehîd bîyî.

Waştişê dewleta tirke oyo ke hûzûr û asayîşê Şingalî bixeripno û verê agêraşanê Şingalî bigêro. Dişmen û xayînê ke wazenê bi nê hêrişan ma bitersnê wa hole bizanê ke ma do tim rêçê şehîdanê xo dir şirê. Ma do wayîrê têkoşîn û heqanê xo yê meşrûyan bivejîyê û dewaya xo bi serekwtişî tacîdar bikerê.

Nasnameyê şehîdan do peyra bêrê eşkerakerdene.''