Bi seyan hemwelatîyanê Şingalî vera hêrişê serê Kampa Şehîd Nazê çalakîya rayraşîyayîşî kerde. Çalakîye heta cayê serebûtî dewam kerd. Xeylêk kesî, serekê eşîran, endamê dezgeh û rêxistinan tewrê çalakîyî bîyî. Çalakîye de posterê Rayberê Şarê Kurdî Abdullah Ocalanî ameyî akerdene.

Dima nameyê Meclîsê Xoserîya Demokratîke ya Şingalî ser o Heso Îbrahîmî eşkerayîye wende. Eşkerayîye de ame vatene ke şarê Şingalî û vateyê Fermandar Şehîd Zerdeşt Şengalîyî ser ê û hêrişanê dewleta tirke ra nêtersenê.  Eşkerayîye de ame parekerdene ke nê hêrişan ra hukmatê Iraqî zî mesuldar o û ganî hukmat vera hêrişan vengê xo vejo.