Endamê Komîteya Merkezî ya Rêxistina Kurdîstanî ya Partîya Komunîste ya Îranî (Komele) Hesen Rehman Penayî hêrişê bi çeka kîmyewîye yê dewleta tirke û rewşa Kurdîstanî ANFyî rê ercnayî.

Penayî bale ante ser ke eke Amerîka û NATOyî destûr nêdayêne Tirkîya nêeşkayêne nê hêrişanê kîmyewîyan bikerê û vat: ''Dewleta tirke pê çekanê Ewropa hêrişê kurdan kena û ney pê paştdayîşê NATO, Amerîka û Yewîya Ewropa kena. Coka nê dewletî hemparê sûcanê Tirkîya yê. Saddam Huseyînî Helbeçe û Serdeşt de se kerd Erdogan zî nika heman çi keno. Mabênê kerdişanê înan de ferqêk çin o. Ganî rayaumûmîye naye bizanê.

Ganî partî û sîyasetê kurdan vera Tirkîya û Îranî vinderê. Ganî ê semedê menfaatanê Tirkîya têbigêrê. O çax kurdî eşkenê verê hêrişan bigêrê. Dewleta tirke tim dişmenîya kurdan û Kurdîstanî kena. Destkewteyê Başûr û rojawanî destkewteyê pêro kurdan ê. Çar parçeyanê Kurdîstanî de semedê nînan gonîya kurdan şîye. Wa her kes vera hêrişan wurzo payan ser.''