Baska Qersî ya 'Rayraşîyayîşê Azadîye yê Pîlî' resaye qezaya Qereçobanî ya Erziromî. Raywanan qurbanê erdlerzî yad kerdî. Rayraşîyayîş de mesajê ''Heta azadîya Ocalanî rayraşîyayîşê ma do dewam bikero'' ame dayene.
Baska Qersî ya 'Rayraşîyayîşê Azadîye yê Pîlî' roja 6ine de resaye qezaya Qereçobanî ya Erziromî. Şarî bi coşî raywanî pêşwzî kerdî.
Hemserekê MEBYA-DERî yê Mêrdînî Salîh Kudayî qurbanê erdlerzê 6ê Sibate yad kerdî û vat: ''Wextê erdlerzî de îqtîdarî îmkanê xo nêşuxilnayî. Binayî rîyê rantê îqtîdarî ra rijîyayî. Sebebê pêro nê şer û krîzan polîtîkayê îqtîdarî yê. Birêz Ocalanî vatbi ke eke firsendê ci est bo o eşkeno hewteyêk de na meseleya kurdan çareser bikera. Seba ke o azad bibo ma nê rayraşîyayîşî kenê.''
Raywanê Azadîye dima derbazê bînaya DEM Partî bîyî.
