Gerîlayanê HPG û YJA-Starî derheqê Komployê Mîyanneteweyî yê 15ê Sibata 1999î de ANFyî rê qiaey kerd. 

Gerîlayê HPGyî Aslan Qîbesînî vat: ''Dewleta tirke û hêzê komplogerî roje bi roje tecrîdê Îmraliyî giranêr kenê. Sey milîtananê Apogîran ma koyan de têkoşînê xo rê dewam kenê. Heta ke tecrîdê vera Rayber Apoyî bişiknê ma do têkoşîn bikerê. Ma do bi Rayber Apoyî serkewtişê azadîya Kurdîstanî biafernê. Ma do serra 25. ya komployî de qetî Rayberê xo azad bikerê. Dewleta tirke hîrê serrî yo nêverdena ke ma Rayberê xo ra xebere bigêrê û hetêkî ra zî hêrişê Rojawan, Başûr û Vakurî kena. Heta ke tecrîdê vera Rayberîye dewam bikerê hemleyê gerîlayan zî do dewam bikerê. Dewleta tirke her ke tecrîdî giranêr bikera, do derban biwera.'' 

Gerîlayê HPGyî Hêjar Karoxî vat: ''Armancê komployî bêtesîrkerdişê Rayber Apoyî, qedînayîşê PKKyî û çinkerdişê kurdan bîyî. La ewro bi zelalî yeno dîyene ke têkoşînê PKK û şarê kurdî vera vera benê pîlêr. Hêzê hegemonîkî û komplogerî seba ke pê têkoşînê ma nêeşkenê tecrîdê Îmraliyî giranêr kenê. Ewro koyan de têkoşînêko destanwarî yeno kerdene. Ma rayîrê Rayberîye û şehîdan de şinê. M qetî emser dişmenî bin bivisnê, Rayber Apoyî û Kurdîstanî azad bikerê.''