18ê gulane de ciwanêkî verê buroyê Neteweyan ê Yewbîyayeyan ê Hewlêrî yê Başûrê Kurdîstanî de di ciwanan çalakîyêke kerde. Ciwanan pare kerd ke eke waştişê înan nêrê qebulkerdene ê do bedenê xo bidê adirî ver.

Çew nêame verê ciwanan. Ciwanan ra yew Mihemed Mahmudîyî verê çimanê rojnamegeran de benzîn verda xo ser û bedenê xo da adirî ver. Wextêk çewî mudaxeleyê serebûtî nêkerd dima pawitoxanê ofîsê NYyî û hemwelatîyan adir hewna kerd. Mehmûdî wedarîya nêweşxane û rewşa ci krîtîk a.

Mahmûdîyî (27) serebûtî ra verî kamerayan rê vat: ''Semedê kerdişanê xo yê sîyasîyan ra gereka ez wina biciwîya? Qey na cû ya? 4 serrî yo ma sey kutikan bêkeye ciwîyenê. Eke ez abigêra Îranî do bêra dardekerdene. Tîya de park, camî û înşaatan ra ber cayêk çin o ke ma tede bimanê.''

Goreyê xebera AFPyî embazanê Mahmûdîyî ard ziwna ke Mahmûdî verî pêşmerge bi û şaristanê Bukanî ra yo.

Mahmûdî 2017 de seba statuyê sîyasî muracatê NYyî kerdo. Buroyê NYyî yê Hewlêrî hema zî derheqê serebûtî de eşkerayîyêke nêdaye.