Hewlêr de grevê endamanê Meclîsê Îştare roja 6’ine de yo
Çalakîya grevê vêşanîye ya cinîyan ê endamê Meclîsê Îştare yê Mexmûrî ya ke verê temsîlkarîya Neteweyê Yewbîyayeyî (NY) ya Hewlêrî de ya roja 6’ine de biqerarî dewam kena.
Cinîyê endamê Meclîsê Îştare yê Mexmûrî, verê temsîlkarîya Neteweyê Yewbîyayeyî ya Hewlerî de hemverê tecrîdkerdişê Rayberê Şarê Kurdî Abdullah Ocalanî 30'ê Çele 2019'î de dest bi grevê vêşanîye kerdibi, vizêrî gruba 2’ine çalakîye dewr girewte.
Roja 5’ine çalakîye de endamê Meclîsê Îştare selahîyetdaranê Neteweyê Yewbîyayeyî reyde kombîyayîş viraşt.
4 cinîyê bînî yê endamê Meclîsê Îştare beşdarê çalakîye bîyî. Endama Koordînasyonê Meclîsê Îştare Nûran Sezgîne û çalakwanê grevê vêşanîye Leyla Îlhane çalakîya xo domnenê. Grevê vêşanîye yê bêdem-biagêrayîşî her 5 rojan de reyêk endamê neweyî beşdarê çalakîye benê.
