Endamê  HDPyî Nimete Guneş û Hesen Kaçar yew menge ra zafêr o ke hetê asayîşê Hewlêrî ra ameyî destbendkerdene. Merdimanê Guneşe û Hesenî ewro Temsîlkarîya HDPyî ya Başûrî zîyaret kerd.

Zîyaret de Endamanê Temsîlkarîya HDPyî  Mizgine Arî RejNewsî rê qisey kerd. Arî vat: ''Çar mengî yo Hewlêr, Zaxo û Dihok de vera endamanê ma zaf zext esto. Asayîş yew bi yew venga înan dano. Endamê ma xora  rîyê fîkranê xo yê sîyasîyan ra raştê zextê dewleta tirke ameyî coka ameyî Başûrê Kurdîstanî ke tîya keyeyê înan o. Wa Başûr zî înan rê zîndan mekerê.''

Arî bale ante serê ke xeylêk wext o ke ê raştê zextê ajanîye yenê û vat: ''Wa waye/bira vera waya/birayê xo  ajanîye bikero? Rîyê dewleta Tirkîya ajanîye ferz kenê?  Qet yew sûcê endamanê çîn o û asayîş nêeşkeno înan sûcdar bikero. Eke Parastino ke pabesteyê PDKyî yo endamanê ma vera nêdo ma do verê Ofosî Neteweyanê Yewbîyayeyan de çalakîye bikerê.''