Heyetê Îmraliyî yê DEM Partî Debaşanê Silêmanî de  (keyeyê Celal Talabanî) Rayberê YNKyî Bafil Talabanî û Hetkarê Serekê Herêma Federe ya Kurdîstanî Kubat Talabanî reyde pêvînayîş kerd.

Heyetê Îmraliyî yê DEM Partî dima ra Endama Serekîya YNKyî Şanaze Îbrahîm Ahmet reyde zî pêvînayîş kerd.

DEM Partî eşkerayîye daye û nê vatî: ''Heyeto ke endamê Heyetê Îmrlaiyî Pervîne Buldan û Sirri Sureyya Onder, Hemserekê Pêroyî yê DBPyî Keskîn Bayindir, avûkataê Buroyê Huqûqî yê Asrinî,  Hemvervatoxê Komîsyonê Tekîlîyanê Teberî yê DEM Partî Berdan Ozturk, parlamenterî Gulcane Kaçmaz Sayyigit û Mehmet Kamaç tede ca genê  pêvîayîşê ci yê Başûrê Kurdîstanî roja hîrêyine de dewam kenê.

Heyetî ewro Silêmanî de Rayberê YNKyî Bafil Talabanî û Hetkarê Serekê Herêma Federe ya Kurdîstanî Kubat Talabanî reyde ameyî têhet. Pêvînayîş keyeyê Celal Talabanî de ame kerdene û hendê saetêke û 15 deqayan kerd derg. Heyetê Îmraliyî derheqê pêvînayîşanê bi Birêz Ocalanî de zanayîş da, fikr û pêşnîyazê YNK û Talabanîyan yê derheqê prosesî de girewtî.

Heyet do mezelê Celal Talabanî zîyaret bikero û pêvînayîşanê xo temam bikero Başûrê Kurdîstanî ra agêro.''