Aktîvîstê Heyetê Haştîye yê ke Ewropa ra şîyêne Hewlêrî vizêr hetê PDKyî ra ameyî destbendkerdene, ewro sînorî ra ameyî teberkerdene.

Mîyanê Heyetê Haştîye de sîyasetmedarê kurdî, avûkatê heqanê merdiman, xozapawitoxî û enternasyonalîstî estê.

Endamê heyetî Hemserekê FEDA Demîr Çelîk, Alîcan Yildirim, Cemal Demîr, Rabîa Baldemîr û Mutlu Tatar astengkerdişî ra nêeşkabî şorê Başûrê Kurdîstanî. Endamê heyetî vera nê tewirî kewtbî grevê vêşanîye.

Goreyê xebera Rojnewsî endamê heyetî roja pancşemeyî hetê hêzanê PDKyî ra bi zorî ameyî destbendkerdene. Ame parekerdene ke heyet erşawîya Frankfurt.

Hûmara endaman û nameyê ê kesanê ke ameyê teberkerdene nêzanîyenê.

Roja şemeyî heyetê bi 27 kesan xîret kerd ke Almanya ra şorê Başûrê Kurdîstanî labelê 17 endamê heyetî hetê Polîsanê Federalan ra ameybî astengkerdene. Polîsanê almanan îtîraf kerd ke eke heyet şoro warê şerî mabênê almanya û Tirkîya de alozîye do biqewimîya.