Rayraşîyayîşê Demokrasîyî yê Partîya Demokratîke ya Şaran (HDP) yo ke di perran ra verbi Anqara yeno rayraberdene dewam keno. Heyetê HDPyî yê perrê Colemêrgî ewro  Heyetê ke Meclîsê Mayanê Haştîye, Înîsîyatîfe Heqî, Komela Heqanê Merdiman (ÎHD) û xeylêk rêxistinê komelê sivîlî û partîyê sîyasîyî zîyaret kerdî.  Reyna panc qezayanê Amedî bi şarî ame têhet. Heyetê ke rêxistinê komelê sivîlî û esnafî zîyaret kerdî bale ante mûhîmîya têkoşînî ser.

Serekê Baroyê Amedî Cîhan Aydinî da zanayene ke ê zî do siba xeylêk bajaran ra paştî bidê Rayraşîyayîşê Demokrasîyî ke wa qanûnê avûkatîye û bedilnayîşê sîstemê vîjnayîşî peyser bêro antene.

Zîyaretkerdişê MED-TUHAD-FEDî de wekîl Tayyip Temelî vat rayraşîyayîş eynî wextê vera tecrîdê serê Rayberê Şarê Kurdî Abdullah Ocalanî yo û semedê azadîya Ocalanî û heme tepişteyanê sîyasîyan o.

Pêvînayîşê Meclîsê Mayanê Haştîye de bi nameyê meclîsî maye Raîfe Ozbek vat ma ûmid kenê ke bi rayrayîşîyîşê HDPyî  şarê kurdî bireso haştî û azadîye ke ci rê hesret o.

Heyetî Rezan, Peyas, Yenîşehrî , Erxenî û Sûr de esnafî zîyaret kerdî. Wextê zîyarekerdişî de dîmenê rengin vejîyayî werte û heyetê bi coşêkê girdî ameyî vervazîkerdene. Heyetê HDPyî derheqê amancê rayraşîyayîşî de zanayîş da û vat bi paştdayîşê şarî ê do vera xespkerdişê îradeyî têkoşînî xurt bikerê.

 Yeno pawitene ke heyetê HDPyî siba saetê 10 de verê Ava Petrolî ra Adana rê bêro raştkerdene.