Hemserekê Kongreya Komelê Demokratîkî (KCD) Berdan Ozturk, Hemserekanê Partîya Herêman ê Demokratîkan (DBP) Salîha Aydenîz û Keskîn Bayindirî Dêrsim de derheqê zîyaretê xo yê 18-24ê hezîrane de bînaya HDPyî de eşkerayîye daye. Eşkerayîye de pankarta bi nuşteyê 'Ma vera faşîzmî xoverdayîşî pîl bikerê' ameye akerdene.

Verî Bedran Ozturkî pê yadkerdişê Denîze Poyraz dest pê qiseyanê xo jerd. Ozturkî vat: ''Ma dewaya heqdare kenê. Têna seba şarê kurdî nê seba şaranê Tirkîya cuya azade û têdûşte ra ber rayîrêk çin o.''

Ozturkî pare kerd ke ê do 6 rojan Dêrsim de keyeyan û şarî reyde pêvînayîşan bikerê û na çarçewe de gaman bierzê.

Salîha Aydenîz zî pê yadkerdişê Sakîne Cansiz dest pê qiseyanê xo kerd û vat: ''Nê serebûtê peyênê ke 6 mengan de Tirkîya de qewimîyayî semedê tecrîdê vera Birêz Abdullah Ocalanî ra qewimîyayî. Tecrîdî pê sîstemê îşkenceyî yê Îmraliyî dest pêkerd û pêro komelî ra vila bi.''

Aydenîze îfade kerd ke Ocalan çareserîya meseleya kurdan de aktoro verên o û ganî kurdî û şarê Tirkîya vera tecrîdî pîya têkoşîn bikerê.