Rayberîya Hemsereke Zeynepe Murad de heyetê KNKyî Kampa Multecîyan a Şehîd Rûstem Cûdîyî (Mexmûr) zîyaret kerde. Hemserekanê Meclîsê Şarî yê Mexmûrî heyet pêşwazî kerd.

Heyetî verî Dezgehê Keyeyanê Şehîdan zîyaret kerd dima zî şi cayo ke dewleta tirke pê SÎHAyan dabi piro. Zeynepe Murad tîya de vat: ''No ca o ca yo ke domanî tede perwerde benê. Noqtayêka leşkerîye nîya.''

Murade Rojnewsî rê qisey kerd û ard ziwan ke ê hê hetê şarê kampe de yê. Murade venga hukmatanê Iraq û Herêma Kurdîstanî, Neteweyanê Yewbîyayeyan da ke wa vera hêrişanê serê sivîlan bêveng nêmanê.

Murade vat: ''Kurdî têna pê yewîya xo eşkenê peynîya hêrişan bîyarê û azad bibê.

Endama Komîteya Têkilîyanê Teberî ya Mexmûrî Leyla Arzu Îlhan zî heyetî rê sipas kerd û da zanayene ke ê pê xîretê KNKyî kêfweş ê.