Nêrazîbîyayîşê vera qedexeyî her ke şino zêdîyenê. Komêka hemwelatîyan û esnafê Silêmanî saetanê serê sibayî de vizêr vera girewtişê bazar û dikananê xo vejîyayî meydanan û înan çalakîyêk kerd.

Saetanê nêmroje ra dima mamosta û karmendî zî tewrê çalakîye bîyî û paştdayîşê xo mojna. Hêzanê asayîşî pê bombayanê gazî û cobanê ceyranî hêrişê çalakîkeran kerd. Xeylêk çalakîkerî ameyî destbendkerdene.

Dima komêka çalakîkeran ver bi Cehdeyê Salîmî û Cehdeyê Mewlawîyî dest pê rayraşîyayîşî kerd. Çalakîkera îfade kerd ke ê do çalakîyanê xo dewam bikerê. Alozîya mabênê polîs û çalakîkeran xeylêk dewam kerd.