Hêzanê dewleta tirke dewa Banike de bînayî rijnayî
Hêzê dewleta tirke ya îşxalkere dekewtî dewa Banike ya Pîrbûla ya Heftanînî û keyeyê dewijan talan kerdî û rijnayî.
Dewleta tirke ya îşxalkere 21ê tebaxe de saetanê sibayî de dekewtbî dewa Banike û Minîne ya şaristanê Batûfa û tay keyeyî rijnaybî.Hêrişî ra dima dewijî neçare mendî ke keyeyê xo biteriknê.
Roja şemeyî saetanê sibayî de dewijan waşt ke abigêrê keyeyanê xo la hetê hêzanê PDKyî ra ameyî astengkerdene û alozîye qewimîyaye. Dewijan ard ziwan ke baxçe û heywanê înan çimeyê debarî yê înan ê la hêzan reyna zî dewijî asteng kerdî.
Ame parekerdene ke rewşa nikayêne de îşxalkerê kontrayî koyan de yê, tim vera gerîlayan şer kenê.
Hêrişanê dewleta tirke ya îşxalkere de dewa Ewle ya Banike de keyeyî ameybî vengkerdene. Dewijan da zanayene ke dewlete nika zî wazena Banike veng bikera.
