Vizêr hêzanê rejîmê Îranî sînorê Pîranşar û Çomanî de kolberan ser o guleyî varnayî û netîce de kolberêk birîndar bi. Nameyê kolberê birîndarî Elî Xizirzade yo ke dewa Kolke Reşî ya Serdeştî ra yo.

Şewa pancşemeyî zî hêzanê rejîmê Îranî hêrişê komêka kolberan kerd û 3 kolberî birîndar kerdî. Nameyê her hîrê kolberan ê birîndaran zî Kemal Goherî, Kamîl Qadêrî û Resûl Çeplek ê.

Rejîmê Îranî nê rojan de hêrişê xo yê vera kolberan zêdînayî. Hêzê rejîmî tim kolberê kurdî hedef gênê, kişenê û birîndar kenê.