Ame zanayene ke Êlih de çawişêkê pisporî domanêka 17 serre rê tecawuz kerd. Qezaya Hezexî ya Şirnexî de zî camêrdêkî domanêke tacîz kerde.

Êlih

Domana 17 serre ya bi nameyê Î.P. ya ke dewêka qezaya Qûbînî ya Êlihî ra ya pê çeke xîret kerd ke xo bikişa. Keyeyê ci yo ke şîwanîye keno, Î.P. berde Nêweşxaneyê Dewlete yê Qûbînî. Î. P. mudaxeleyê verênî ra dima sewqê nêweşxaneyêkê bînî yê Êlihî bîye û wedarîyaye servîsê ciewnîyayîşê giranî. Rewşa weşîye ya Î.P. giran a.

Ame zanayene ke çawişêkê pisporî Î.P. rê tecawuz kerd. Baroyê Êlihî da zanayene ke çawişê tirkano tecawuzkar ame destbendkerdene.

Hezex

Şirnex de perarey çawişêkê bi nameyê Aslan A. domanêka 13 serre tacîz kerdbi.

Vizêr zî camêrdê 40-45 serreyî qezaya Hezexî ya Şirnexî de domanêke tacîz kerde. Dima ke birayê domanî serebût ferq kerd camêrdo tacîzker ame derbkerdene. Camêrdo tacîzker hetê polîsan ra ame destbendkerdene la rixmê gerreyê keyeyê domane, tacîzkar demêko kilm de serbest ame veradayene.