Fermandaranê Qerargehê Merkezî yê YJA-Starî ra Hêzile Ozgur hacetê bêtelî ra hêzanê gerîlayan ê Herêmanê Pawitişî yê Medya rê mesajî dayî.

Qiseykerdişê Hêzile Ozgur wina yo: ''Waranê Mamreşo, Şehîd Serdar û Ertûşî de têkoşînêko bêeman esto. Embazanê ma vera hêrişanê îşxalî xoverdayîşêko pîl mojna û no xoverdayîş dewam leno. Ma prosesêkê zaf girîngî ra derbaz benê. Embazanê ke Mamreşo, Zap, Avaşîn de şehîd bîyê girîngîya nê prosesî hol fam kerde û pê xoverdayîşêkê pîlî verê îşxalê tirkan girewt.

Dewleta tirke pê pêro îmkananê xo hêrişê nê embazanê ma kerd la tîlîlîyê embazanê ma heta peynî nêvindertî. Nê embazî ma rê xetêke, felsefe û îdeolojî yê. Nê embazan fam kerd ke hêrişê vera Rayberîye senîn ê û partîye vera tehlukeyêkê senînî de ya. Înan heta peynî mewzîyê xo war nêverdî û heta nefesê xo yê peyênî şer kerd. Dişmen vera xoverdayîşê embazan kewt tengîye û nêeşka leşkeranê xo bîyaro war, giran bikero binê hukmê xo. Verî ke înan embazê ma qetil kerdî nêeşkayê vajê 'Operasyonê ma serkewte yo.' Raştîya dişmenî na ya.

Nê prosesî de qet yew leşker nêeşkeno vera îradeyê PKKyî de vindero. Oyo ke şer keno leşkerê artêşa tirke nê teknîkê ci yo. Şerê Herêmanê Pawitişî yê Medya de leşkerêk nêeşkeno vera îradeyê PKKyî vindero. Teknîkî ra nêbo artêşa tirke nêeşkena têbigêra, helîkopterî ra nêbo nêeşkena aver şora. Destê înan de hende teknîk esto. Destê ma de zî têna keleşî û bombayî estê. La na zî înan visnena tengîye. Sey milîtananê PKKyî qerardarî û bawerîya ma esta. Oyo ke dişmen qels keno no îrade û bawerî ya. Coka xoverdayîşê embazanê ke nê şerî de şehîd bîyê ma rê vengdayîşêk o. Vengdayîşê serfîrazî yo.''