Gerîlayê cinîyî Avaşîn de çalakîyanê çekan ê giranan ra heta çalakîyanê sekbanîye tewrê xeylêk çalakîyan benê. Netîceya çalakîyanê gerîlayan ê cinîyan de xeylêk derbî ameyî pirodayene leşkeranê tirkan.

Tewirê cuye û çalakîyê gerîlayan ê cinîyan rojnuşteyê înan de nusîyayî.

Rojnuşteyê gerîlayêke de wina ame vatene: ''Embazê cinîyî destpêkê operasyonî ra nata pê enerjîya xo, pê moral û motîvasyonê xo yê pîlî rayberîye kenê.''

Gerîlayêk vano: ''Bi taybetî rolo dîyarker ê embazan ê cinîyanê ke şehîd bîyê ma rê rayîr mojneno.''

Rojnuşteyê de wina qala tewirê moralî yê gerîlayan Rûkene û Sarya yeno kerdene: ''Heta hela peyêne bêtawîz tewr bîyî. Nê tewirî Mamreşo kerd Mamreşo. Aris Faris de şexsê Amara û Dîyanayan de yewîya fedayîye çalakîye reyde, Mervanos de çêrîya Ekînan a vera kobrayan, enerjî û moralê embaze Vîyane, tewirê Ronahî, Nesrîn, Marya û Berfînan, embazîya Tolvînan senî yenê vîrakerdene?Nê cinîyan pê nê xoverdayîşî nameyê xo tarîxî ser o nuştî. Hemleya Bazanê Zagrosî pê bawerî û îradeyê nê cinîyan bena pîlêr.''

Rojnuşteyo bîn zî wina vano: ''Tewirê embazan ê cinîyan no şer girewt xo milî û fedakarîya pîle mojnaye. Şerê giran û bêrehmî de rengê tewr rindî embazê cinîy ê. Qiyam wurzo zî embazê cinîyî tim bibawerî û bimoral ê. Çalakîyê sûîkastî yê embaze Delîla, çalakîyê hawanî yê embazan Dîrene û Dorşîne, çalakîyê serkewtişî yê embazan Ekîne û Amara seba ma hêzê pîl ê. Embazanê cinîyan pê vateyê 'Dişmen Avaşîn kerd de, tersê înan o tewr pîk destê cinîyan ra merdiş o. Ma do tersê înan bimojnê.' îdîaya xo eşkera kerdêne. Şûrê azadîye şerê cinîyan ê çêran ê Avaşînî de destanan nuseno.''