Wezîrê Karanê Zereyî Suleyman Soyluyî îdîa kerdbi ke wextê wezîrîya ey de îşkence çin o. Huqûqnas Onur Duşunmezî îdîayê Souyluyî ercnayî.

Duşunmezî pare kerd ke raporê 4,5 serranê Rêxistina Efû ya Mîyanneteweyîye eşkera kenê ke Soylu zûr keno û vat: ''Raporê 3işkenceyê helîkopterî yê Şaxî, raporê îşkenceyê wendekaranê Bogaziçi, raporê îşkenceyê tepişte Mehmet Siddik Meşeyî, vengdayîşo lezabez ê remnayîşê Gokhan Turkmen û Mustafa Yilmazî îsbat kenê ke wextê Soyluyî de îşkence ameyo kerdene. Xora rêxistinanê bînan zî derheqê îşkenceyî de raporî pêşkêş kerdbi.''

Oner Duşunmezî bale ante ser ke Sedat Pekerî qala cînayetanê faîl-î meçhûlan ê 90an ê bi Torosê Sipîyî kerde û vat: ''Ma nêeşkenê vajê ke serebûtê ê çaxî qedîyayê. Nika çeteyê sey JÎTEMî pê vateyanê serçeteyêkî yenê îfşakerdene. No zî nîşan keno ke her wext têkilîya dewlete bi mafyayan esta. No proses pê huqûqî qedîyeno. La nika nêzdîbîyayîşêko winasên çin o.''