Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''Herêma Metîna;

9 û 11ê çeleyî de de Warê Xoverdayîşî yê Girê Ortê de  îşxalkerî hîrê rey ameyî pirodayene. Çalakîyan de 2 mewzîyî ameyî derbkerdene.

Herêma Zapî;

10ê çeleyî de Warê Xoverdayîşî yê Girê Cûdîyî de îşxalkerî hîrê rey pê çekanê giranan û taktîkê suîkastî ameyî pirodayene. Çalakîyan de îşxalkerêk ame cezakerdene û mewzîyêke ameye derbkerdene.

11ê çeleyî de Warê Xoverdayîşî yê Girê Cûdîyî de vera îşxalkeran çalakîya bikoordîne ameye kerdene. Îşxalkerî hîrê hetan ra ameyî pirodayene. Hetêkî ra îşxalkerî bi çekanê otomatîkan û taktîkê suîkastî ameyî pirodayene, hetê bînî ra mewzî û 2 konteynirê îşxalkeran bi çekanê ferdîyan û bombayan destan mesafeyê nêzdî ra  ameyî pirodayene. Gerîlayî bi rûhê fedayî şîyî îşxalkeran ser û çalakîye de 11 îşxalkerî ameyî cezakerdene, 4 mewzîyî, 3 sîstemê kameraya mobese, sîstemêkê radarî û 2 konteynirî ameyî derbkerdene.

Dewleta tirke ya îşxalkere bi na çalakîya gerîlayanê azadîye ra derbeya girdî werde. Artêşa tirke sey tim reyna merdeyê xo nimitî û têna mergê leşkerêkî eşekera ked û 10 îşxalkerê bînî ke ameyî kiştene nimitî.

Herêma Xakurkê;

10 çeleyî de Girê Şehîd Heqî de îşxalkerî pê çekanê giranan ameyî pirodayene. 11ê çeleyî de Warê Şehîd Kamûranî de îşxalkerî verî pê çekanê giranan û dima ra bi çalakîya bikoodîne ameyî pirodayene. Çalakîya ke hetê hêzanê ma yê YJA Starî ra ameye kerdene de 2 îşxalkerî ameyî cezakerdene û 2 mewzîyî ameyî derbkerdene.

Çekê qedexeyî;

8ê çeleyî de Warê Xoverdayîşî yê Sîda yê Zapî de mewzîyê şerî bi teqaberanê qedexeyan dîyayî bombayan ver.

Bombarduman;

9, 10, 11ê çeleyî de warê Dergelê, Bêşîlî, Serê Metîna yê Metîna, Girê Bahar, Girê Cûdîyî yê Zapî, Ava Lolanê yê Xakurkê 16 rey bi teyarayanê şerî dîyayî bombayan ver. Reyna herêmê Zap, Metîna û Xakurkê pê topan dîyayî bombayan ver.

Artêş atirke mabênê 7 û 10ê  çeleyî de Warê Xoverdayîşî yê Sîda yê Zapî de kerd ke pê kepçeyan mewzîyanê xoverdayîşî birijnê û tunelan birijnê.''