Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.  HPGyî vat hêzanê înan vera îşxalkeranê ke par Kelaya Xoverdayîşî yê Mamreşoyî de gerîlayê ke fermandeyîya fermandar Serhad Giravî û Sarya Dîyar de bî pê çekanê kîmyewîyan qetil kerdî, çalakîyê qesasî kerdî û nê pare kerdî:

Avaşîn

''26ê temmuze mabênê Girê Şehîd Munzur û Girê Ahîd Arnosî yê Warê Xoverdayîşî yê Mamreşoyî de îşaxalkeranê semedê îşxalî rayîr viraştêne bi çalakîya koordînekerdî ya gerîlayan ameyî pirodayene. Çalakîye de 7 îşxalkerî ameyî cezakerdene û hêzê ma şîyî cenazayanê înan ser û tesbît ke kerd ke 3ê înan leşker 4ê înan kontra bî. Cenazayan ser ra raxlêk çeke ame wedaritene.

Zap

27ê temmuze de Warê Xoverdayîşî yê Çemçoyî de îşxalkerê ke ver bi mewzîyanê şerî yê Şehîd Adîlî  û Şehîd Serxwebûnî şîyênî ameyî pirodayene. Eynî roje Warê Xoverdayîşî yê Şikefta Birîndara de helîkopterê hêrişî ke hetê hêzanê ma ra ame pirodayene herême kewt dûrî. Artêşa tirke seba ke enkazê tanqî yo ke hetê hêzanê ma ra ame pirodayene, çîn bikerê herême da bombayan ver. 28ê temmuze de Warê Xoverdayîşî yê Çemçoyî de îşxlakerêk ame cezakerdene.

Metîna

27ê temmuze de Warê Xoverdayîşî yê Girê FMyî de hêzanê ma yê YJA Starî çalakîya sûîkastî kerde, 3 îşxalkerî ameyî cezakerdene îşxlakerêk birîndar bi. Eynî roje Warê Xoverdayîşî yê Amedîyê de zî çalakîya sûîkastî de îşxlakerêk ame cezakerdene û kamerayêka mobese ameye îmhakerdene. Çalakîyanê cîya cîyayan ê Girê Amedîyê de 2 îşxalkerî ameyî cezakerdene. 28ê temmuze de tîya reyna îşxalkerêk ame cezakerdene û kamerayêka mobeseye ameye derbkerdene.

Xakurkê

26ê temmuze de Girê Şekîf de çalakîya sabotajî ameye kerdene, îşxlakerêk ame cezakerdene û 3 îşxalkerî birîndar bîyî.

Bombarduman

Artêşa tirke ya îşxalkere 26 û 27ê temmuze  mewzîyê şerî yê Warê Xoverdayîşî yê Girê Amedîyê û Girê FMyî pê çekanê kîmyewîyan û teqaberan dîyayî bombayan ver. Reyna warê Deşta Kafya ya Garê û Şikefta Birîndara, Sîda, Saca, Girê Amediyê, Kurojahro, Kokerê, Şikefta Birîndara, Karker û Çemçoyî pê teyara, helîkopter û obusan dîyayî bombayan ver. Şewato ke netîceya hêrişî de waranê Saca û Kokerê de vejîya dewam keno.''