Merkezê Îrtîbatî û Çapemenîye yê HPGyî de zanayene ke hêzanê înan semedê selamkerdişê Hemleya Şorişgêre ya Cengê Heftanînî tay çalakîyî viraştî.

Hîrayîya eşkerayîya HPGyî wina ya:

''18ê temmuze de hêzanê ma warê Çarçella yê herêma Zagrosî de vera îşxalkeran çalakîya sabotajî viraşte. Wesayîtêkê artêşa tirke ya îşxalkere ke ver bi îstîqametê Şemzînanê Colmergî şîyêne, nizdê Qereqolê Gemanê de ame pirodayene. Çalakî de wesayît bi temamî ame îmhakerdene,  1ê înan serwan, 1 zî kontra temamî de 7 leşkerê tirkî ameyî ceazakerdene û leşkerêk zî birîndar bi. Badê çalakîye herême de operasyon dîya destpêkerdene.

19ê temmuze de hêzanê ma Çelê ya Colemêrgî de vera îşxalkeranê ke Qilê Şehîd Reberî de ameybî cakerdene çalakîyêke viraşte. Çalakîya ke mewzî û stargehê dişmenî bitesîr ameyî pirodayene de mewzîyêk ame îmhakerdene, 2 leşerî ameyî cazekerdene û 2 hebî zî birîndr bîyî.

Çarçeweya Hemeleya Qesasî ya Şehîde Medya Mawa û Şehîd Rizgar Geverî de hêzanê ma 19ê temmuze de warê Şehrîbane yê herêma Besta ya Şirnexî de leşkerê ke mintiqaya Eyşedinkê de ameybî cakerdene hedef girewtî. Çalakîyanê suîqestî de 2 leşkerî ameyî cezakerdene. Na çalakî semedê selamkerdişê Hemleya Şorişgêre ya Cengê Heftanînî ameye viraştene.

Teyarayanê şerî yê dewleta tirke  18ê temmuze de dormeyê dewa Gire ya Garê, 19ê temmuze de warê Mervanisî yê Avaşînî û warê Kunişka yê Zapî û 20ê temmuze de zî reyna Avaşîn de warê Gelîya Besya û Zap de warê Kurojaro ser o bombayî varnayî.''