Merkezê îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

“Gerîlayanê Azadîye yê Kurdîstnî semedê yadkerdişê hemra Bêrîtane (Gulnaze Karataş) û selamkerdişê serrgêra 30. ya ronayîşê YJA Starî vera îşxalkeran xeylêk çalakîyî kerdî. Detayê çalakîyanê gerîlayan û hêrişê artşa tirke wina yê:

Herêma Zapî;

16ê teşrîna verêne de Warê Xoverdayîşî yê Kokerê de vera îşxalkeran çalakîya bikoordîne ameye kerdene. Çalakîya ke hetê hêzanê ma yê YJA Starî ra hîrê hetan ra bi çekanê giranan, otomatîkan û ferdîyan ameye kerdene de 15 îşxalkerî ameyî cezakerdene, 4 xeymî û mewzîyêke ameyî îmhakerdene û mewzîyêke ameye derbkerdene.

18ê teşrîna verêne de grûbêka hemrayanê ma Warê Xoverdayîşî yê Kurojaroyî de gama ke serê karê xo de bî mabênê înan û îşxalkeran de temas qewimîya. Warê hêzanê ma bi teyarayanê şerî dîya bombayan ver. Dima ra di rojî zî erdî ra dîya bombayan ver. 19ê teşrîna verêne de mabênê hêzanê ma û îşxalkeran de pêkewtiş qewimîya. Tîya ti leşkerê payeberzî ameyî cezakerdene. 2 herayanê ma zî heta hela peyêne bi hewayêkê qehremankî şer kerd û şehîd bîyî.

19ê teşrîna verêne de Warê Xoverdayîşî yê Sîda de îşxalkerî di rey ameyî pirodayene, îşxalkerêk ame cezakerdene. Eynî roje vera şan eynî warî de îşxalkerî ameyî derbkerdene. Na çalakîye hetê hêzanê ma yê YJA Starî ra ameye kerdene. 20ê teşrîna verêne de eynî warî de reynê îşxalkerî ameyî pirodayene, mewzîyêke ameye derbkerdene. Na çalakîye hetê hêzanê ma yê YJA Starî ra ameye kerdene.

19ê teşrîna verêne de Warê Xoverdayîşî yê Girê Cûdîyî de îşxalkerî bi çekanê otomaîkan ameyî pirodayene.

Herêma Metîna;

19ê teşrîna verêne de Warê Xoverdayîşî yê Girê Çarçelî de vera îşxalkeran çalakîya bikoordîne ameye kerdene. Na çalakîye de 4 îşxalkerî ameyî cezakerdene, îşxalkerêk birîndar bi, 3 xeymî ameyî îmhakerdene û 3 mewzîyî ameyî derbkerdene.Eynî roje îşxalkerî bi çekanê otomatîkan û çekanê giranan ameyî pirodayene.

Herêma Xakurkê;

19ê teşrîna verêne de Girê Şehîd Kamuranî de îşxalkerî bi çekanê otomatkan û taktîkê suîkastî ameyî pirodayene. Na çalakîye de 3 îşxalkerî ameyî cezakerdene.

Bombarduman;

19ê teşrîna verêne de mewzîyê xoverdayîşî yê Warê Xoverdayîşî yê Girê Çarçelî bi droneyanê teqaber barkerdeyan û gazanê kîmyewîya dîyayî bombayan ver. Eynî roje Warê Xoverdayîşî yê Girê Cûdî û Girê Amedîye yê Zapî bi droneyanê teqaber barkerdeyan û teqaberanê qedexeyan dîyayî bombayan ver. Herêmê Zap, Metîna û Barzanî bi topan dîyayî bombayan ver.”